Baby戀曉明好開心 唔使博宣傳
Angelababy今日為I.T旗下品牌b+ab拍秋冬系列的宣傳照，著住毛毛外套谷胸騷長腿拍攝，好在係室內有冷氣，唔係真係會熱儍呀！咁多毛毛，咁咪有好多動物犧牲咗囉...好彩Baby話：「我好鍾意毛毛，所以用咗好靚嘅人造毛。」
佢明日會飛北京宣傳兩套新戲，仲自言似超人：「年初二開工開到7月，都只係放咗11日假。」陰功豬﹗
而佢同男友黃曉明合作嘅電影《一場風花雪月的事》，將強吻戲作預告片重點，卻被指灑鹽花、用緋聞當宣傳，Baby力撐預告片冇問題：「好多電影都係咁，荷李活都係剪精彩部份，而且都係故事入面好重要嘅一部份。」
早前黃曉明表示用分手作宣傳會受傷害，Baby都say yes：「好認同，唔需要咁負面宣傳。」感情係咪好穩定？Baby話唔使信傳聞：「只係可以講一路都好開心，從來冇講過係點。」
頁:
[1]