張智霖摸完法拉玉背 再嘆阿嬌「肉背」？
噚晚《衝上雲霄II》嗰集，Holiday（陳法拉）同Cool魔（張智霖/Chilam）有場女上男下激情戲，法拉先跳舞色誘Cool魔，然後法拉蒙住Cool魔雙眼，再除去上衣，來個終極裸背，真係睇到觀眾眼都唔眨。不過講到最爽歪歪嘅一定係Chilam啦，佢唔止能一嚐法拉終極裸背，早排佢喺內地拍攝聲稱係「中國首部真3D愛情動作大戲」《白狐》，佢同女主角阿嬌（鍾欣桐）有唔少戲對手戲。
《白狐》預告片中嘅張智霖扮演一位傻公子，而阿嬌就扮演白狐仙子，套戲係講阿嬌好迷Chilam，為佢要生要死，最後仲獻埋自己畀對方。
阿嬌嘅白狐角色，一頭藍髮一啲都唔吸引，之前仲被指係「膠版美少女」，網友仲講笑話似足《美少女戰士》古裝版。不過預告片中見阿嬌不時晒「事業線」，為套戲提升唔少可觀性。
而講到最期待的，相信就係阿嬌同Chilam嘅情慾戲部份喇，女方仲露埋「肉背」，不過問題係，呢個肉背唔知係咪真係阿嬌演出呢？再對比噚晚《衝II》法拉嘅玉背，唔知大家鍾意邊個多啲呢？
頁:
[1]