【獎門人】脹爆陳靜騷「call機肉」 險遭小方觸碰下體
噚晚《超級無敵獎門人終極篇》錄影，方力申（小方）同陳靜（DaDa）同一隊，為求過關，小方就抱起發福唔少嘅DaDa，起勢將佢撻落塊毯上，以「人肉打樁機式」將胸部壓爆氣球。期間小方多次差啲觸碰到DaDa下體，唔知小方女友鄧麗欣（Stephy）睇到之後，會唔會罰打手板呢？雖然小方險觸碰到DaDa下體，不過都唔夠發福唔少嘅DaDa好睇，佢不時露出腰間嘅「call機肉」，佢對肉腿....更加肥美，香唔香艷就見仁見智喇！
噚晚錄影上除咗具暴力同親密接觸場面外，同場加演一幕親情戲，事緣曾國祥邊唱歌邊數錢，結果次次都錯，佢就向身旁嘅獎門人Daddy曾志偉唱《世上只有爸爸好》，志偉被融化後就算數，讓囝囝過關。
另外，雨僑玩「超級無敵反反反」時，佢條短裙愈反愈上，最後都係走光收場。
頁:
[1]