城城重提肉搏林熙蕾 激過Captain Cool好多
郭富城今日到海港城出席聯合國兒童基金會慈善跑記招，提到今年十月嘅馬拉松，城城話好想參加，因為未試過，平日跑開4、5公里，應該冇乜問題，量力而為，就算沿途俾人影相都唔理，專心跑。一見城城，自然問番佢有冇睇「滾友」……打邊爐之友張智霖喺《衝上雲霄II》嘅精采演出？城城話:「我一向唔係追劇人，去咗韓國5日，miss咗。」嘩，咁你咪錯過咗佢同法拉嗰場裸背戲？城城話:「我叫佢為我專登炮製畀我睇。佢有賢妻(袁詠儀)，OK嘅，我冇睇劇情。」
既然Cool魔呢個人夫都可以咁激，咁城城你就……問佢「激唔激得」，城城笑言:「我激好多，《父子》同林熙蕾都得，最緊要有邏輯，總之啱就豁出去，我好啲，因為單身。」嗱，呢個「陷阱」，係城城自己唔小心舖咗出嚟0架!
頁:
[1]