【DaDa退出幕前】 舊愛王宗堯大表關心：希望你能堅持
「百果園E神」陳靜（DaDa），出道時憑34E豐滿咪咪響朵，除咗推出噴血寫真外，仲推出過超噴血月曆，人氣急升。之後DaDa由模界踩入影壇，電影一部接一部，佢今年憑《低俗喜劇》贏得香港電影金像獎「最佳女配角」殊榮，聲勢一時無兩。
事業方面有起色，咁感情方面呢？DaDa入行至今戀聞都唔少，佢同過Square成員趙俊承（Gary）﹑王宗堯拍拖，雖然分手收場，但DaDa仍不介意同王宗堯喺電影《喜愛夜蒲》拍攝親密激情戲，此外DaDa亦同過李雨陽爆緋聞。今晚DaDa喺微博都有提及退出幕前演員工作，其中一個原因係同「感情問題」有關。
王宗堯得悉舊愛要退出，喺微博大表關心，仲話：「希望你能堅持。」唔知王宗堯係叫DaDa堅持佢退出呢個決定，定係堅持佢做番幕前工作呢？至於李雨陽同趙俊承微博就未見有任何動靜。
頁:
[1]