法拉自揭 親身裸背上陣 臨時刪「動作」戲
《衝上雲霄II》日前播出一場法拉、張智霖(ChiLam)古堡親熱戲，背部全裸嘅法拉一度傳出用「裸替」上陣，而且無綫播出嘅版本已經刪剪，令觀眾高呼唔夠喉。不過今日有報道訪問咗法拉，大談當日拍攝點滴。法拉表示，當日故事發生場景於英國一座古堡，但後來改咗場地，借咗一個私人酒窖拍攝。場內唔少古董都唔掂得，所以劇本臨時有些少少改動作遷就……咦，唔通原先唔係坐喺度錫鍚咁簡單？
之前張智霖都講過，拍攝當日天寒地凍，本來導演提議喺室外拍攝，最終因為太凍而決定返入室內。法拉話，開頭都唔知咁凍，凍到得零度左右，二來最難突破都係心理障礙:[b]「不過我同成team人好有感情，我好信任佢哋嘅專業，記得拍嗰陣，我身前面有個tube top，黐晒膠紙，一take過就完成，冇NG，好慶幸能鼓起勇氣，達到導演要求。」[/b]
首次拍大膽嘅場面，幸而法拉同ChiLam都好專業，特別係ChiLam，好有男士風度。法拉話：「ChiLam好好，好幫女演員，佢驚我尷尬，都叫我放心，亦唔望住我，喺旁邊同導演講笑，搞吓氣氛，我當時記得拍完之後，第一時間攬住件衫。」
拍呢場裸背戲，外間議論紛紛，成功令《衝上II》更加炒熱，法拉嘅勇氣亦令人刮目相看。法拉笑道：[b]「作為演員，我哋交齊功課，觀眾鍾意睇邊場戲，我哋估唔到，總有人鍾意有人唔喜歡。」[/b]
頁:
[1]