傳無綫不滿缺席宣傳 陳法拉解釋：學戲請唔到假
陳法拉返嚟香港喇﹗之前法拉去咗美國修讀演戲課程，要多次缺席《衝上雲霄II》宣傳，不過法拉喺劇中嘅「何年希」一角，成為網民熱話，無論係法拉喊戲，抑或同Cool魔張智霖裸背激情戲，都惹嚟談論。今日法拉同林家棟喺灣仔，出席李碧華小說《離奇》活動，法拉表示上星期五喺美國完成演戲課程，0依家未決定係咪再赴美國修讀秋季課程。
講到《衝II》全城熱話，法拉表示都有留意，講到裸背戲喺港版遭刪剪好多，法拉就話唔可惜，佢話：「海外版睇到，唔會失望。（太多鹽花遭投訴所以刪走？）唔知剪接程序。」
有傳無綫不滿佢唔做宣傳，法拉解釋：[b]「學戲請唔到假，同監製有聯絡，事前都做咗訪問，大後日會做宣傳。」[/b]
但佢今日出席呢個活動，擔心被指厚此薄彼？法拉話：[b]「唔會，我盡力兩邊都做。」[/b]
法拉不在港日子，傳聞滿天飛，有傳佢搶胡杏兒戲份，又話原本徐子珊有份演等等？法拉話：「我唔知咁多嘢喎。」
頁:
[1]