《衝上II》打真軍裸背 陳法拉《奇幻夜》連場肉搏 有裸替
陳法拉同林家棟噚晚到apm為新戲《奇幻夜》謝票，張家輝喺新戲《激戰》操到成身朱古力肌，原來家棟亦要為新戲《風暴》狂操：「嗰陣一日只食早餐同三隻蕉，約隱約現都有六嚿，有坑，華仔（劉德華）都有叫我操弗啲，佢叫我食少，0依家有四嚿。」只可惜家棟咁辛苦操弗拍嗰場全裸戲，但最後被刪咗，真係幾可惜。至於喺《奇幻夜》中，家棟亦有場全裸被法拉放入真空袋中嘅戲。家棟話拍嗰陣幾擔心法拉尷尬，法拉就話：「係我一個睇到，當時我只擔心佢透唔透到氣，我當佢死咗係屍體，怕到嚟唔切。」
戲中法拉都要裸露，不過導演就搵咗替身頂上。咁如果劇情要法拉裸露佢介唔介意？法拉話：「裸露係一個演員嘅專業表現，係睇劇情，唔係睇皮膚上性感同裸露，係戲嘅表達。」咁即係可以有得諗囉。
頁:
[1]