岑麗香喺Bosco面前著衫 咪咪太大kick住咗！
娛樂圈啲男男女女成日傳緋聞，好多時緋聞男女仲會同場出現，不過未必出現嬲爆爆嘅場面，一樣可以好開心。黃宗澤（Bosco）同岑麗香呢對最新緋聞男女，因為拍《貓屎媽媽》傳撻著，咁啱兩人噚晚齊齊應邀到將軍澳電視廣播城錄影無綫《超級無敵獎門人終極篇》，同場仲有已為人父、亦都同香香傳過緋聞嘅錢嘉樂。嘩，七國咁亂呀!
不過呢，錢嘉樂同香香因為拍《巴不得，媽媽》傳緋聞單嘢擺明就係流料，咁香香同Bosco呢？……唔，就真係唔知喇。
新歡舊愛(緋聞嗰隻)齊到場，主持之一嘅阮兆祥都問香香：「你嘅新歡舊愛今晚喺一齊，你覺得點？」緋聞俾人擺上枱，鬼妹仔香香好醒目扮嘢：[b]「唔明，你再講一次。」[/b]
其他主持都唔放過香香同Bosco，林曉峰又玩讀詩：[b]「舉頭望嘉樂，低頭望麗香。」[/b]甩咗身嘅嘉樂都玩埋一份：「忠忠直直，宗澤乞食！」
俾人咁玩，Bosco同香香似乎有啲尷尬，主持又叫佢哋四目交投，香香又重施故技：[b]「呢啲四字詞我唔識！」[/b]不過主持都迫Bosco同香香對望，Bosco扮晒嘢反白眼，笑到鬼咁開心：「上嚟梗係開心，唔通喊咩！」結果香香玩遊戲時係咁輸，仲累隊友過唔到關，嘉樂都笑佢：[b]「陀衰家。」[/b]
玩遊戲時，香香唔止露香罅，著衫時俾豐滿上圍「kick」住咗，唔上唔落咁搞笑，場面好尷尬，但Bosco又唔可以幫手喎，噢no!!!!
頁:
[1]