0靚模又洩肉價？ 二人同行 只收五萬
之前已有雜誌大爆圈中女星「肉金」，自稱「賣藝不賣身」嘅0靚模張可義（Emily），就大爆見過女星賣淫價單，就連剛宣佈退出幕前嘅DaDa陳靜，都話有30萬、自我炒熱同吳卓羲緋聞嘅傅嘉莉，有10萬；藍莓劉俐就係10萬；許穎Phoebe得3萬，胡心諾(Rainbow)都係有3萬，Cammi BB 1萬；苟芸慧亦無啦啦多咗個「下海價」，高達$150萬！仲記得AD2嗎？0靚模組合，出位行徑數之不盡，包括露暈、露乳、咀阿伯等等。早前更報警，指到佛山影寫真集時，遭灌醉拍裸照。
陰功，一波未平，一波又起；今次輪到兩女被傳「有價」——仲係所謂二五仔流出的。今日有雜誌報道話，該名報料人自認係淫媒，仲話有埋接客價錢同習慣。但係該雜誌搵呢位所謂淫媒「交收」佢手頭上嘅「錄音對話」時，呢位自稱淫媒忽然甩底。喂，可信性…存疑喎。
呢名「自稱」淫媒話，某0靚模組合可以「單飛」或「雙飛」，胸大啲嗰個收貴啲，收3萬；咪咪冇咁大嘅，收萬五；「雙飛」價五萬。客路主要係內地。仲有其他detail收費，呢度唔講喇，收廣告費0架。
阿「所謂」淫媒繼續爆料，話有齊晒佢哋「交易」嘅錄音同微信紀錄。而AD2受訪時，就堅決否認有副業，成員Amy仲話:「我唔識乜嘢淫媒，我唔想答!」
於是再問其新簽嘅經理人……唉，之前AD2就係嬲前經理人同裸照事件有關(佢哋自己話)，於是終止合約，改簽新經理人。新呢個，接受訪問時就話:「我之前都有聽過，不過佢哋呢期夜晚都係返屋企或者去練舞，都好勤力，暫時亦冇人打嚟問價，就算有都唔係搵我啦。」嘩…AD2多得你唔少囉
頁:
[1]