同傅嘉莉合照硬晒軚 吳卓羲寧搭小儀膊頭
傅嘉莉同吳卓羲呢對緋聞男女，由5月傳出吳卓羲拍《衝上雲霄II》時，用糖水攻勢冧佳人，緋聞就咁開始啦。而自始，傅嘉莉每逢出活動，都掛住吳卓羲喺口邊，之前仲大膽到話同吳卓羲係「啱啱開始」，搞到吳卓羲即時反擊話同對方冇可能拍拖，過去依家將來都唔會，超級決絕。
但原來，傅嘉莉一早有真命天子，就係外籍富二代羅博文（Charles），一邊同富二代拍拖一邊又話同吳卓羲「啱啱開始」，吳卓羲唔嬲就假啦。
今日《衝上雲霄II》宣傳，呢對緋聞男女避無可避，梗係被要求合照啦，不過男方硬晒軚，雙手長期放後，一睇就知好唔願意，反而同小儀就好鬼熟咁搭晒膊頭，緋聞男女變冤家，前後都係3個月嘅事!
頁:
[1]