Avis拖新女 唔驚同蕊蕊「慾照」流出 Yumi：咁我信佢囉！
既然大家都明白晒事情始末，依家就聽吓，今晚周秀娜舊愛陳偉成(Avis)拖新歡Yumi回應吓成件事，究竟係點。究竟Avis係咪好似「柑桔」陳蕊蕊爆料咁、話同Avis暗交半年，仲自責信錯人；(疑似剛過去式)2.Avis自爆同新歡Yumi拍拖兩個月；(現在進行式)
3.「柑桔」再被爆同金剛拍拖四個月。(現在進行式)
想問一下，如果屬實，咁Avis同「柑桔」啲時間係點分配？唔通齊齊分別一腳踏兩船？
難得今日一對打得火熱男女——係Avis同Yumi，一齊拖手仔現身公告戀情，當然要問兩人回應啦。問Avis係咪特登拖女友出來，向娜姐或「柑桔」陳蕊蕊示威呢？Avis就話:「其實唔係示威，係因為想件事情唔好越發越大。我之前冇諗過公開嘅，但我同Yumi傾過，覺得公開咗對件事好啲。希望件事告一段落，唔想咁煩。」
記者再問Yumi是否Avis同「柑桔」之間第三者？佢就好嗲咁答:「梗係唔係啦!(點解唔係？)點會係第三者!」又話兩人認識時，雙方都係單身。Avis表示兩人幾年前工作時已認識，Yumi去年由台灣發展完之後返港，多咗見面，一拍即合。
至於點樣撻著，Avis話:「冇點樣撻著0架，我啱啱開咗間新嘅公司，要搵女仔嘅model，咁啱佢就返咗嚟，咁我就搵佢幫手fitting，試新嘅衫，大家多咗見面，傾傾埋埋覺得啱傾。」
好喇，咁另一個問題嚟喇，之前咪講過，Yumi依家同「柑桔」陳蕊蕊仲係一齊住緊，咁蕊蕊寸爆Avis話信錯人愛錯人、蕊蕊新歡金剛又一齊鬧爆Avis；依家Yumi同Avis拍拖，大家同一屋簷下，撞口撞面點算好？
問Yumi點好啦，佢就話:「其實我同蕊蕊唔熟0架，係一齊住，但啱啱一齊住咗一個月，之前我都唔識佢0架。」又話平時喺屋企好少見，冇乜兩句，仲話覺得冇必要搬喎!Avis話:「我都唔希望搞到佢哋朋友都做唔到。」
咁Yumi又信唔信蕊蕊講嘅嘢？Yumi情深地望了Avis一眼，再話:「咁，我信佢囉。」問Avis俾蕊蕊咁樣數落法，驚唔驚遲吓有「閃卡」流出？佢好淡定咁答:「慾照我一定冇啦，所以更加唔驚啦!」
頁:
[1]