呂慧儀着噴血三點式 晒蟹騷鮑魚 呂慧儀

babigoh

好多明星藝人都知大家要乜，亦知道乜嘢時候放乜嘢相！

好似快將31歲嘅人妻呂慧儀，前年同黃文迪結婚後，衣着冇話變得密實，反而越穿越少，低胸、谷胸、露背及晒腿呢啲已經濕濕碎。

今晚十點幾左右，「長腳蟹」喺微博貼咗五張噴血泳照，之前有傳佢肚凸凸疑似有喜，不過睇完呢五張相，就應該知有BB一事，相信十劃都未有一撇。

原來「長腳蟹」今日返咗娘家─出海玩呀，呂慧儀寫道：「今日返娘家，蟹最喜歡大海了！狠狠地放浪一下！很爽！」「長腳蟹」拎住「自己」──真係拎住隻長腳蟹影相；

另外，近日余文樂、杜汶澤、陳靜同邵音音出席《飛虎出征》慶功時，音音姐餵樂仔喫乾鮑，唔知呂慧儀係咪有留意呢單報道，佢都拎住兩大隻鮑魚影相，唔知係咪餵老公仔喫鮑呢？