脹爆DaDa爆肥8磅 肉搏韓國型男 DaDa, 陈静, 陳靜

babigoh

陳靜（DaDa）﹑方力申（小方）﹑余文樂及曾國祥等，日前去《超級無敵獎門人終極篇》錄影，成班人玩得好癲好放，DaDa同小方玩其中一個遊戲時，DaDa險遭小方觸碰下體，DaDa今日出席《喜愛夜蒲3》開鏡拜神儀式時，佢亦開腔幫小方解畫：「要幫佢講返句係冇掂到，冇感覺佢摸到，同埋大家都好投入想贏。」

另外，DaDa為配合夜蒲主題，亦性感打扮露事業線，不過與同場其他女星相比，DaDa竟然輸咗喎，原來同佢身形發福有關，DaDa話：「呢排發福脹咗八磅，嚟緊會做瑜伽減肥，拍呢套戲要瘦啲。」

DaDa又話會同韓國男演員，喺溫泉拍攝激情戲份，佢話已經見過對方，佢話：「仲要拍，唔可以話唔滿意，高大囉，同有六舊腹肌！」

至於同場嘅雨僑，就自爆喺戲中會同幾名韓男「群毆」，佢話：「睇劇本時冇對白，應該係全動作戲！」咁會唔會似陳法拉咁，有裸背演出呢？雨僑就話：「應該會，睇完佢嗰幕我自己放心咗，因為好似佢形象咁好，拍裸背大家都好受落！」唔知羅力威介唔介意呢？