台灣「雞排妹」谷巨咪 sell「爆乳滑鼠墊」 雞排妹, 鄭家純, Ili

babigoh

台灣「雞排妹」鄭家純憑30E爆乳上圍而為人認識，佢仲憑一對巨咪，晉升為宅男女神。

今日「雞排妹」身穿比堅尼Top，以爆乳裝打扮出席由佢代言嘅網上遊戲記者會，再度力谷豐腴上圍，推廣該款遊戲，相當性感。

「雞排妹」出場時都好盞鬼，佢趴喺塊衝浪板，由猛男抬出場，除咗餵班粉絲食冰淇淋外，佢仲無啦啦跳起舞上嚟，成功拋出「乳浪」，令眾男粉絲着迷。

現場仲展示用佢個樣嘅「滑鼠『胸』墊」，特別地方係胸前位置相當立體；其實前年電影《3D肉蒲團》，曾以呢款滑鼠墊殺入維園年宵檔，滑鼠墊印有電影女角肖像，胸部就「隆起」，內藏之物都好墜手，原來滑鼠墊「胸部」係用隆胸專用矽膠製作，質感甚佳。「雞排妹」亦照辦煮碗展示類似滑鼠墊，必能滿足宅男唔少幻想。

另外，「雞排妹」又話月底係佢20歲生日，到時會推出終極攬枕，造型就係可以畀粉絲直接抱住佢身體正面，其實......娜姐一早出過人型攬枕啦﹗