香港追星 STARHK - Powered by Discuz! Board

標題: [轉貼] 荔景站猛鬼原因 [打印本頁]

作者: kelchun 時間: 2011-3-27 07:04 PM 標題: [轉貼] 荔景站猛鬼原因

呢單料我係聽番黎嘰，荔景站猛鬼，係有段故架...

話說係香港地三年零八個月個段時期，係荔景站北面，即係華景山莊個頭，個時仲係一遍樹林，有幾棵荔枝樹係度，夏天個陣，d荔枝紅卜卜，又大又多汁，附近有條村叫九華村，d村民成日過去摘麗枝。

日本仔打到黎個陣，個條村亦難逃屠村命運，慘被日本仔大屠殺。好多村民走左去個荔枝林個度喱埋拉，d日本仔係附近整左哨站，d村民喱左一段時間，有幾個忍唔住肚餓，爬左上村摘荔枝，就係咁俾日本仔發覺左。

個班淨底走甩嘰村民，咁就俾日本仔係個荔枝林度就地處決。身首異處。

之後，個度起左好多樓，荔枝林亦全部斬哂，係荔景站未起好之前，都無乜古怪事發生。

但係當荔景站起好之好，好用唔用，用左紅色。紅噹噹，起好個站後，怪事就接二連三發生。

有人話係因為個度用左紅色，當年d遊魂野鬼、慘死兇靈當日為荔枝而死，陰魂一路徘迴係當年荔枝林附近，見到荔景站起好後紅噹噹，好似荔枝園咁，就飄哂過去睇下有無荔枝摘....

歡迎光臨香港追星 STARHK (http://starhk.com/bbs/)